HATS-ARTE 2017- ABUZTUA 19a

Josu Jimenez-Maiak bere blogean azaldu  ageri bat hemen:
:http://itxaurdi.blogspot.com.es/2017/08/ryookanen-101-haikuak-hats-arten.html

HATS-ARTE 2017- ABUZTUA 19a ( Auxtinen Bildumatxo pertsonala)

''Hatsa'' elkarteko olerkariek, egituratu dugun ,''Hats-Arte'' erakusketaren funtsa, esplikatu genezake, bi erran nahietara:
lehena, litake, hatsarekin batera, gure sorkuntzetan, jalgitzen dugun ''arte''zko obra batzuen, publikoari, azaltzea,
eta , bigarrena, lasaitzeko hartzen dugun unea, edo, bi hats hartze artean den, bake eta gelditze hori , nunbait , ''artea''ren bitartez ''hats  arte'' bilakaraztea. 

  Olerkariak, beren barneko labirintoetan dituzten oiartzunak, hatsarekin batera , jalgitzera, eta, idaztera, lehiatzen badira, iduritzen zaigu, gehienek ere, idatzien bazterrean, beste modu batzu ere erabilzen dituztela, bisualki, musikalki, jestuekin... nunbait...idatzitako sustraietatik, lasaigarria zaioten ''fisiko'' poesia baten sortzeko.          

             Azken ''Hats-Arte'' ekimen honen 3 garren elkarretaratzeak ereman gaitu munduan zehar, euskal herritik urrun, baina gu, euskaldunak, diogulako ,''Ama Lur'' dela gure ama, lur osoa gurea dugu, eta, beraz, ezin gintezke, noski, galdu !
       Airatu gira  lehenik, Senpere-Amotzeko gainetara , sekulan  harrapatu ezin dezakegun denbora bat hartuz, kamomila loreak bilduz, naturarekin hitz eginez, bai eta, asko, gure artean, ere.....
      Joan gira, gero, Afrikara, Burkina Faso aldera, euskaraz eta afrikar Diula mintzairan idatzia den '' Ina, Nire ama afrikarra '' liburuari esker. Gurekin ginuen, bere idazlea, Gilles Riviere. Kontatu zigun, nola, bera, Afrikar emazte batek, bere bizi guzirako, semetzat hartu zuen. Nola, bere nortasuna, bilakatu zitzaion , denbora berean, Afrikarra eta Euskalduna. Paxkal Bourgoin, Senpertarraren, margo goxo eta aproposekin, ilustratua da liburua.
           Gero, Josu Jimenez-Maiak, kudeaturik, munduko beste kontinente batera ailegatu gira, hain zuzen , Asian den Japoniako kultur eremuetara. Josuk, ''Ryookan-en 101 haikuak'',  berak, euskaratua duen liburuaren barnetik ereduak harturik, erakutsi zigun, haikuen oinarria dela, 3 lerroko bertsu neurtuekin, naturatik, begietara eta sentsuetara, etortzen zaigun , oraikotasun-ixtantearen , azaltzea.
           Oraino, beste kontinente bat ere zeharkatu ginuen, hau fiktiboa, ''Bihotz hautsiak osatu eta portu handira iritsi'' ,bere liburu, oraino agertua ez denetik, hartutako olerkiekin batera, Juan Kar Mugartza-k, ibili gintuen, Alvaro Mundiaño Garziandiaren margoen zirkonboluzioetan, erran nahi haundia duten erraietan .
         Gero, Imanol Irigoienek, Joanmari, bere anaiari eskainiak zituen margo, bihotzez landuak eta pentsamenez beteak, hunkigarriki azaldu zituen, Joanmari-ren soneto bat ere irakurriz .
           Azkenik, gure artean ziren olerkari -artistek beren obrak aurkeztu zituzten,-Maite Ramos-Fernandez-ek , bere , Nafarroko ''Olaldea'' herri ttikian, etxeko leihotik ikusten dituen lore, paisai , zaldi...itxurak , finezia haundiz, akuarelatuak,
-Juan Manuel Galarraga-k , hain erromantikoki eta estetikoki, Senpereko paisaiak eta itsaso bazterrean erortzen diren uhainen margo  kuadro haundi koloratsu batzu.
-Ainara Maiak, bere ''Muxuak'' liburutik ateratu Mattin Martiarenaren ilustrazio burutaziogarriak

- Ennio Cantella-Andueza, Hatsa elkartean dugun zortzi urteko olerkari gaztea, denetaz asko preziatua izan zen, arrabita-egile aditu eta atrebitu bat bezala, bere jakintza erakutsi zigularik.
           Gure artean ezin izan zirenen obrak ere gain gainetik baloratuak izan ziren. Bihotzetik eskerrak zueri :Agurtzane Anduetza, Iñaki Bastarrika, Gustavo Cantella, Jon Galdos, Josu Galdos, Koldo Goitia, Gabriel Korta-Rekarte, Eukene Lizeaga Tamayo, Miquel Saumell, Carmen Valois, Mikel eta Xabier Zelestino.         

          Azkenean, piaia aberats eta luze bat eginik, Larraldeko sukaldean, beti bezala, giro hatsegingarri eta afaritxo batekin bururatu zen eguna .                         Aurtengo ''Hats-Arte''erakusketak, gu guzien bitartez, berea, nasaiki eman digu ! Noztalgiazko agur bat  parte hartu duten guzieri  ! eta,  jarrai, olerki idatziak eta 'fisikoak' sortzen  !
Auxtin Zamora

Argazkiak: