HATS-ARTE 2017- ABUZTUA 12a (Bildumatxo pertsonala)
Hats-arte'
ekimenaren bigarren ekarpena, oraino, lehena bezala, gain gainetik
aberasgarria agertu zaigu .
Goizean,
oinezko ibilaldia iragan zen ,astia hartuz , Senpereko ''Ortzana'',
edo hobeki erranez, ''Ortziren oihana''deitzen dugunaren barnean , ur
garden eta haitz firfiratsuek gaindikatzen duten bake eta kukuso
belar usaineztatuetan . Denetarik urrun, oihanaren erdian, Zuraide,
Uztaritze, Senperere-ko Herriak mugaztatzen duen, Otsanzeko kapera
biluzia aurkitu ginuen ,oroitarazten zigularik ,milaka beilariak ,
Santiagoko bidean zoazinak, hemen, lehengo denboretan egon zirela ,
geroago, frantses iraultza denboran, kasik bere eraikidura guzia
desegina izan zela, baina berriz zutitua azken urte hautan ,René
Clement(1913-1996) zinegilearen nahimenez, (Artetik errateko,René
Clement hau, hain hunkigarria eta sentimenduen haraindikoa den
'Jeux interdits ' (1952) pelikula famatuaren egilea da)
Arratsaldean,
Xabier Soubelet, Joseba Aurkerenena, Ixabel Etxeberria, Hatsa
elkartearen barnean zer ikusteko berezia dutenek, Pruden Suduperekin
batera ''Eskuz eta begiz'' beren literaturazale elkarte berria
aurkeztu ziguten bai eta argitaratu liburuen mamietatik testo
jastatze bat egin, irakurriz ,Telesforo De Monzon, Iratzeder, Joseba
Aurkerena, Xabier Soubeleten olerki batzu. Ixabel Etxeberriak ere '
Piarres Larzabalen antzerkigintza (1950-1972)' ikerketa lana aurkeztu
zuen .
Gero,
Maddi Zubeldia entzuteko bere inguruan ezarri ginen eta elkarrizketa
erakargarri bat denen artean sortu zen ','Desherria haurzaro ''bere
liburuaren aurkezpenaren eraginez..
eta
azkenik Maddi Andueza biolin-jotzaileak eta Ennio, bere seme
akordeonalariak ,ez dakigu zoin mundutik ateratu musika jenial
batekin enkantatu gintuzken.
Eguna
,beranduxko bururatu zen , jakinez, afaritxo baten aitzakiarekin,
Larraldean ginen guziak , bildu ginela ,gehienik ,elkarrekin ,
hatseginezko momentu baten partikatzeko.
Auxtin
Argazkiak
